بلوچستان ئٹ زوراکی نا بیگواہی تا لڑ برجاء، اسہ پین ورنا ئسے فورسز آک بیگواہ کریر۔
شابیتی حوال تا ردئٹ داؤد بلوچ ءِ پاکستانی ڈھکوک ادارہ و سی ٹی ڈی نا کارندہ غاک کلی شاہنواز کوئٹہ اوفتا اُرا غان دزگیر کریسہ بیگواہ کریر۔
خاہوت نا ردئٹ خڑک ئنا پولیس اسٹیشن ٹی حوالی رپورٹ نوشتہ کرینن۔ سی ٹی ڈی و سادہ پُچ بینوک ڈھکوک ادارہ تا کارندہ غاک اُرا ٹی پترینگسہ گِڑا تے پرغار و داؤد ءِ تینتون دریر۔
او پاریر کہ نن خواست کینہ کہ داؤد بلوچ ءِ رکھوک یلہ کننگہ ریاست سار ئٹ برے دا پاک انگا توہ ئٹ ننے ظلم مریسہ ننے تادی نا گواچی کننگ ءِ۔
اندا وخت آ برجاء سال جنوری ٹی زہری آن اِرا زوراکی ئٹ بیگواہ محمد انور نا مار مجیب الرحمن بوبک و محمد عمر نا مار محمد حیات مٹھازئی آجو مریسہ تینا اُرا تے سر مسنو۔