بلوچستان نا بنجاہی شار کوئٹہ ئٹ بلوچ یکجہتی کمیٹی نا پرامن برانز آ پولیس نا کریک ڈاؤن، لٹ و کٹ و آنسو گیس کاریم ئٹ ہتنگ تون اوار برانزی تیا سم کاری کننگ نا سوب برانزی تا بیران مننگ و ٹپی مننگ نا حوال بننگ ءِ۔
حوال تا ردئٹ اینو کوئٹہ ئٹ زوراکی نا بیگواہی تا برخلاف بی وائی سی اسہ برانز ئسے نا کال تسوسس و ہرا وخت مخلوق مُچ مریسہ تینا برانز ءِ ریکارڈ کننگ بناء کرے ہمو وخت پولیس نا کریک ڈاؤن بناء مس و کیہی برانزیک دزگیر کننگار۔
برانز کروک آتا پاننگ ءِ کہ پولیس مخلوق ءِ لٹ و کٹ، آنسو گیس و مون پہ مون سم کاری نا گواچی کرینے۔
سم کاری آن برانزیک ٹپی و بیران مسنو، اندن جون تیتون سریاب ئٹ تولوک برانز برجاء ءِ۔
چاگڑدی حوالکاری تلہ غاتیا تالان ویڈیو تیٹ پاش پولیس نا بیدادی پاش خننگک اندن برانزیک ٹپی تے دریسہ ہم خننگرہ۔
بی وائی سی نا سروک ڈاکٹر ماہ رنگ بلوچ چاگڑدی حوالکاری تلہ غا تینا ٹویٹ اسیٹی پارینے کہ ریاستِ پاکستان پرامن برانزی تیا بیدس فرخ سم کاری کریسہ قیامت ایسنے۔
او ودیک پارے کہ کوئٹہ نا مخلوق اُرا تیان پیشتمانے، شہید آتا جون تیتون سریاب ئٹ تولوک برانز برجاء ءِ، سریاب نا مخلوق زو سر کے تینے۔ اندن سول اسپتال ئٹ دتر نا خواست ءِ۔
اندن ڈاکٹر صبیحہ بلوچ تینا اسہ ٹویٹ اسیٹی پارینے کہ ٹراما سینٹر گھیرہ کننگانے، ٹپی آتیتون اوڑدہی کن کس ءِ اِلنگ افس، ٹپی آتے دتر تننگ کن ہم النگ افس، ریاست فسطائیت نا گندہ درشانی کننگ ءِ۔ دا ہم تاریخ نا اسہ باب ئسے و دانا نتیجہ غاک کس اکن جُوان مروفس۔
یاتی مرے اینو بلوچ یکجہتی کمیٹی تینا بنجاہی باسک بیبرگ بلوچ، اونا ایلم، سعیدہ بلوچ و ڈاکٹر الیاس بلوچ نا بیگواہی نا برخلاف اسہ برانز ئسے نا کال تسوسس ہرانا زی آ پولیس بیدادی کریسہ کیہی برانزی تے ٹپی و بیران کرینے۔
کوئٹہ میں بلوچ یکجہتی کمیٹی کے مظاہرے پر پولیس کی فائرنگ، زخمیوں کو اپنے مدد آپ کے تحت ہسپتال منتقل کیا گیا جبکہ ایک زخمی نوجوان ہسپتال پہنچنے سے پہلے ہی جانبحق ہوگیا۔
اطلاعات کے مطابق فائرنگ کے بعد علاقے میں ایمبولنسز کو جانے کی اجازت نہیں دی گئی جبکہ پولیس کی جانب سے ہسپتالوں… pic.twitter.com/MMAnn1stK6
— The Balochistan Post (@BalochistanPost) March 21, 2025