پاکستانی لشکر ننکان اُرا غا چھاپہ خلیسہ باوہ و مار ءِ دزگیر کریسہ بیگواہ کرینے۔
کوئٹہ غان رسینگوک حوال تا ردئٹ ننکان یک بجہ نا وخت آ پاکستانی لشکر کوئٹہ نا علاقہ جوائنٹ روڈ آ اسہ اُرا ئسے آ چھاپہ خلیسہ خلیل احمد بلوچ و اونا مار نوید احمد ءِ دزگیر کریسہ نادرست ہند آ درینے۔
فورسز آتا دو آن بیگواہ مروک ہڑتوم باوہ و مار مونا ہتنگتنو۔
حوالکار تا ردئٹ نوید صوابی میڈیکل یونیورسٹی ٹی ایم بی بی ایس نا خوانندہ ئسے و دا وخت چھٹی تیا تینا اُرا غا بسوسس ہرادے فورسز آک بیگواہ کرینو۔
یاتی مرے تدوکا دے تیان کوئٹہ ئٹ دزگیر کننگ و زوراکی نا بیگواہی تا تدینی تیٹ ودکی مسنے ہراڑے پاکستانی لشکر بلوچ یکجہتی کمیٹی نا تولوک برانز آتے توننگ کن سرچ آپریشن و بندغ آتے دزگیر کریسہ ءِ۔
داکان مُست کوئٹہ بائی پاس، و بروری روڈ آن کیہی بندغ آتے دزگیر کریسہ نادرست ہند آ دننگانے اندن 35 ئنا کچ بندغ آک بروری تھانہ ئٹ بند ءُ و اوفتیتون اوڑدہی نا موکل دائسکان تننگتنے۔