بلوچستان نا ضلع بارکھان ئٹ ریاستی مُخ تف سلہہ بند ٹولی، ہرافک السی تلہ غا ”ڈیتھ اسکواڈ“ نا پِن ئٹ چائنگرہ، و بلوچ سرمچار آتا نیام ئٹ ترند حالیت نا جھڑپ ئٹ چار سرمچار شہید مسنو۔ دا جھڑپ 6 جون آ رکنی نا مَشی آ علاقہ کوہ جاندر ئٹ مس۔
ہندی حوالکار تا ردئٹ دا جھڑپ کیہی گھنٹہ آتے اسکان برجاء مس و دا وخت آ ہڑتوم آ پارہ غاتیان بھلا سلہہ آک کاریم ئٹ ہتنگار۔
شہید مروک سرمچار آتا چاہنداری نور جان نا مار مصطفی ہند تسپ پنجگور، نور محمد نا مار سمیع اللہ ہند ملائی بازار تربت، قادر بخش نا مار رسان قادر ہند لباچ ڈنسر آواران، و امیر بخش نا مار شاہ زیب ہند گونی گریشہ نا پِن تیٹ مسنے۔ اوفتا جونک رکنی نا اسپتال آ دننگانو۔