بلوچستان نا ضلع خضدار نا علاقہ زہری ٹی اینو پاکستانی لشکر ءِ سلہہ بند جلہو تیٹ ٹک کننگانے ۔
احوال آتا ردئٹ زہری نا علاقہ گزان، سوہندہ و سنی ٹی پاکستانی لشکر ءِ بھاز بھلو کچ ئسے نا پوسکنو جلہو آتون مون تروئی تمانے ۔ ذرائع نا ردئٹ جلہو تیٹ فورسز کارندہ آتے نسخان مسونے ۔
کوالخواہ دائسکان دا بابت ئٹ ہچو شابیتی احوال ئس فراوان کتنو۔ واہم تدوکا دہ دے آن زہری ٹی بلوچ آزادی دوست آک تینا کنٹرول ئٹ کرینو۔
دا جلہو تا بناء ہمو وخت مس ہرا وخت یانزدہ اگست نا دے بلوچ سلہہ بند آزادی دوست آک زہری شار ئٹی الس ئتون تران کریر ، فورسز نا کارندہ غاک علاقہ ٹی پیہن نا کوشست کریر ہراڑے جتا ہند آتیا سنگر ہلیسہ سلہہ بند بندغ آک اوفتے جلہو تیٹ ٹک کرینو ۔