اراتم کہ دڑداک گیرام مریرک
اراتم کہ خوشیک پین باز مریرک
اراتم نا یاداک کہ استا بریرک
اراتم کہ آجو نا دے ٹک تروئے
اراتم کہ جنڈی مروئے و بڑزا
اراتم کہ ورناک شارا بریرک
اراتم کہ دیوان آجو مروئے
اراتم کہ شہداتے استا اتینک
اراتم کہ اِسپُل نا دیدار مسک
اراتم کہ راسکوہ نا درمان مسک
اراتم کہ گل ءُ بال چلتن مرے
اراتم کہ شاشانک خرُن مریر
اراتم کہ بولان چٹ ناز ئٹ مرے
اراتم کہ سینگار ہانل مروئے
اراتم کہ زاتان پیشن مرونک
اراتم کہ درہ غا دیوان مروئے
اراتم کہ بندیک آجو مرورک
اراتم کہ کوراک خنی مرورک
اراتم کہ دلارتے ٹنگور چپی
اراتم کہ بیرے دلبرتا الکن
اراتم کہ لمہ خلوئے و ہالو
اراتم کہ گودیک انام تخورک
اراتم کہ باوہ نا توفک ارفین
اراتم کہ ایلم تا بیرے الکن
اراتم کہ سردارتا جی جی چُٹا
اراتم کہ خانی رواجاک چٹار
اراتم کہ میراک الور
اراتم کہ آجو سازٹ مروئے
اراتم کہ جرنل راشونی مس
اراتم کہ بابا نا پنتاک مسور
ارا جہد ئٹ دلبرک سائے تننگو
امو جہد مدامی زندہ سلوئے
اراتم اواری اسٹی کہ مسون
اراتم کہ یک یکہ خنتے تا کشون
اراتم پنڈی ٹی پوہاڑ مسک
گڑا چاس آجو نا دے ٹک تروئے
شاعر: باسط ہکلی