بلوچستان نا بنجائی شار کوئٹہ غان اِرا بلوچ خوانندہ، وہاب بلوچ و نذیر بلوچ نا زوراکی ئٹ بیگواہی نا حوال رسینگانے۔
احوالکار آتا رد ئٹ ہڑتوم آ خوانندہ غاتے درو ننکان بروری نا علاقہ عیسیٰ نگری ئٹ ساڑی اوفتا کمرہ غان پاکستانی لشکر چھاپہ خلیسہ دزگیر کرے و نادرست ہند آ سر کرے۔
ہفتدہ سال نا وہاب بلوچ نا تعلقداری سردشت، کُلانچ ضلع پسنی آن پاننگسہ ءِ، ہرا ایف سی نا خوانندہ ئسے و کوئٹہ ئٹ اعلیٰ تعلیم نا دوئی کننگ کن ہندی ئس۔
ایلو پارہ غان نذیر بلوچ، ہرا مستونگ نا علاقہ اسپلنجی آن تعلقداری تخک، بی ایس نرسنگ نا خوانندہ ئسے و کوئٹہ ئٹ اسہ ذاتی ادارہ اسیٹ خواننگ ئس۔
بلوچ خوانندہ تنظیم آک، بندغی حق آتا کارندہ و سول سوسائٹی دا تدینی نا ترند مذمت ءِ کریسہ پارینو کہ بلوچستان ئٹ تعلیم دوئی کروک آ ورنا تا زوراکی ئٹ بیگواہیک اسہ بھیم بش کروک بندغی المیہ اس جوڑ مسونے۔