بلوچستان نا ضلع سوراب نا علاقہ نغاڑ ئٹ پاکستانی لشکر نا پارہ غان آپریشن مننگ نا حوال آک رسینگانو۔ ہرا نا نیام ئٹ ہندی بندغ آتا بیدادی و کیہی بندغ آتے دزگیر کننگ نا حوال آک ہم اریر۔
ہندی بندغ آتا رد ئٹ فورسز علاقہ ئٹ آپریشن نا وخت جتا انگا ہند آتیا کاروائی کرے، ہراڑے کیہی بندغ تے بیدادی نا گواچی کننگا۔
احوالکار آتا پاننگ ءِ کہ کاروائی نا وخت کیہی بندغ آتے دزگیر ہم کننگا، واہم دزگیر مروک آ بندغ آتا چاہنداری و اوفتا کچ پک مننگ کتنے دسکان۔