بلوچستان نا دارالحکومت کوئٹہ تون اوار آ علاقہ ٹی فورسز تیا مروکا کڈ کروک بمب نا تراک ئٹ چار کارندہ مرگ نا گواچی مسونو۔
کوئٹہ ٹی ہندی صحافی زین خان نا رد ئٹ فورسز آک کوئٹہ نا علاقہ مارواڑ ٹی اینو سہب ئنا ٹک کننگانو، ہرانا سوب آن چار کارندہ ہمو جاگہ غا مرگ نا گواچی مسر۔
یاتی مرے بولان و ایب کیپ ئٹ فورسز تیا مروکا جلہو نا ذمہ واری ءِ بلوچ آزادی پسند تنظیم آک قبول کریسہ بسونو داسکان دا جلہو نا ذمہ واری کس ہم قبول کتنے۔
بلوچ لبریشن آرمی برجاء سال 31 مئی آ بولان نا علاقہ مارواڑ ئٹ پاکستانی فورسز تا 129 ونگ غازہ بند سکاؤٹس نا کیمپ آ جلہو کریسہ کیمپ ءِ تینا کوزہ ٹی ہلیسہ 25 کارندہ ءِ مرگ نا گواچی و ٹپی کریسس۔