بلوچستان نا علاقہ دکی لونی نا جنگل صدوزئی ٹی مار ئنا سم کاری آن باوہ لمہ ہڑتوماک مرگ نا گواچی مسر۔ رسالدار لیویز اسرار احمد ترین نا رد ئٹ ڈودار عثمان لونی نا سم کاری آن زالبول تون اوار ارا بندغ مرگ نا گواچی مسونو۔
گیشتر حوال تا رد ئٹ سم کاری آن کہوک آتیٹ ڈودار نا باوہ و لمہ ہڑتوماک اوار ءُ، سم کاری آن مرگ نا گواچی مروکا بندغ نا چاہنداری باز محمد عرف بازو شیخ شیدان لونی نا پن ئٹ مسونے، لیڈی ڈاکٹر مفرنگ نا سوب آن زالبول نا جون ءِ 100 کلو میٹر مُر ڈی ایچ کیو لورالائی آ سر کننگانے۔
اندن ڈودار نرینگ ئٹ سرسہب مسونے، لیویز فورس ویل ئنا رپورٹ نوشت کریسہ خونی نا پٹ و پول ءِ بناء کرینے، رسالدار اسرار احمد ترین نا رد ئٹ خونی نا اُرا والاتا پاننگ ءِ خونی نشہ نا ہم عادتئی مسونے۔