حوال تا رد ئٹ گورنر بلوچستان سید ظہور آغا صوبائی کابینہ ٹی اوار مُسہ سوختہ وزیر تا استعفیٰ تے منانے، 6 اکتوبر آ بلوچستان کابینہ نا سوختہ باسک آک گورنر ہاؤس آ سر مریسہ استعفیٰ تسوسر۔
استعفیٰ تروک بندغ آتیٹ عبدالرحمٰن کھیتران، میر اسد بلوچ، ظہور بلیدی، حاجی محمد خان لہڑی، اکبر آسکانی سکندر عمرانی، بشریٰ رند، ماہ جبین شیران و لالہ رشید بلوچ اوار ئسر۔
دا وخت آ ہرا وزیر تا استعفیٰ تے مننگانے اوفتیٹ ظہور بلیدی، سردار عبدالرحمان کھیتران و اسد بلوچ اوار ءُ۔ ایلو کنڈان وزیراعلیٰ بلوچستان جام کمال استعفیٰ تننگ آن پدی مسونے، و پارینے کہ دوانزدہ بندغ نا پاننگ آ استعفیٰ تفروٹ۔
اونا پاننگ ئس سیوتی جماعت آک و بی اے پی نا بھازی باسک آک کنا ہم کوپئی کننگ ءُ، گڑاس سنگت 4 وار مست ہم کنے مُر کننگ نا کوشست کرینو۔ جام کمال نا پاننگ ئس ننا کوشست ءِ کہ وزیر آک تینا استعفیٰ تے واپس ہلیر دائسکان وزیر آک استعفیٰ واپس ہلتنو گڑا اسکان پوسکنو وزیر جوڑ کرون۔