چیف آف ساراوان و مسکوئی وزیر اعلیٰ بلوچستان نواب اسلم رئیسانی پارینے کہ اینو خوانوکا ادارہ تیان خوانندہ غاک بیگواہ مننگ ءُ گڑا بروکا وخت ئٹ حکومتی وزیر آتا چناک ہم رکھوک مفرور، وزیر اعلیٰ بلوچستان عبدالقدوس بزنجو معاملہ نا سوبر ءُ نوٹس ہلے۔
او تینا خیال آتا درشانی ءِ بلوچستان اسمبلی نا اجلاس پوائنٹ آف آرڈر ئٹ کرے۔ نواب اسلم رئیسانی پارے کہ ہراتم بلوچستان یونیورسٹی ٹی ارا خوانندہ بیگواہ کننگار ہموتم بجلی الو ہرا بھاز افسوز نا ہیت اسے اینو کہ حکومتی آ اپوزیشن نا بندغ آک زر اکن برمتہ نا مذمت کے سلوکو۔
وزیر اعلیٰ اسلم رئیسانی تینا بیان اٹ پارے کہ اینو اگہ ننا چناک بیگواہ مننگ ءُ گڑا پگہ نا دے وزیر آتا چناک ہم رکھوک مفرور وزیر اعلیٰ بلوچستان عبدالقدوس بزنجو دا معاملہ ٹی سوبرو نوٹس ہلے۔
داڑان گڈ صوبائی وزیر سردار عبدالرحمٰن کھتران یخینی تس کہ وزیر اعلیٰ بلوچستان نا پاکستان نا صدر و آئی جی پولیس تون ہیت مسونے زوت خوانندہ غاک یلہ کننگور، ایوان ئٹ عبدالقدوس بزنجو ہم یخینی تس کہ چناتے بھاز زوت یلہ کرون۔