بلوچستان نا ضلع سبی ٹی فورسز تیا مروکا بم تراک ئٹ اسہ کارندہ اس مرگ نا گواچی، ارٹ ٹپی مسونو۔
گیشتر حوال تا رد ئٹ سبی نا سب تحصیل بابر کچ نا علاقہ جھالڑی ٹی پاکستانی پیرا ملٹری فورسز ایف سی کارندہ آک علاقہ ئٹ پیادہ پیٹرولنگ کننگ ئسر کہ بارودی تراک نا گواچی مسر ہراڑے اسہ کارندہ اس مرک نا گواچی و ارٹ ٹپی مسونو۔
حوال رسینگ تون اوار سیکورٹی فورسز آک جاگہ غا سر مسر، سیکورٹی فورسز آک علاقہ ئٹ آپریشن ءِ بناء کریر۔ اندن کہوک کارندہ و ٹپی آک سی ایم ایچ سبی آ دننگار۔
داسکان جلہو نا ذمہ واری ءِ کس اس قبول کتنے۔