بلوچستان نا علاقہ آواران ئٹ لائٹ ویٹ جہاز “جیرو کاپٹر” نا تمنگ آن انسٹرکٹر پائلٹ قاضی اجمل مرگ نا گواچی مس۔
حوال تا رد ئٹ پائلٹ قاضی اجمل تینا جیروکاپٹر کراچی آن بھال کریسہ بلوچستان اسکان بسوس داسکان قاضی اجمل کنڈ ملیر نا علاقہ ٹی بھال کریسہ مسہ دے مست بیگواہ مسوسس۔
بلوچستان وائلڈ لائف نا کوالخوا امان اللہ ساجدی دانا پک ءِ کریسہ پارے کہ قاضی اجمل نا جہاز پولڈاٹ نا ہند آ تما، جہاز نا ڈھیر و پائلٹ نا جون خننگانو۔ قاضی اجمل نا جہاز مش تون لگیسہ بھس مس۔
ایس پی لسبیلہ ایوب اچکزئی ہم دانا پک ءِ کرینے کہ قاضی اجمل نا جیروکاپٹر کنڈملیر نا علاقہ ٹی تموک خننگانے۔