میڈیکل الائنس کمیٹی بیان اس شینک کریسہ پارے اینو جھالاوان، مکران و لورلائی میڈیکل اسٹوڈنٹس نا زیمی خوانندہ آتا کوئٹہ پریس کلب نا مونا برانزی کیمپ ءِ 41 دے پورو مسونے ولے مرغن برانز آن بیدس زیمی میڈیکل اسٹوڈنٹس تا خواست آک پورو کننگتوس۔
او پارے کہ 13 جنوری ٹی پی ایم سی اسہ نوٹیفکیشن اس شینک کریسہ پارے کہ ہرا میڈیکل اسٹوڈنٹ آک بلوچستان نا پوسکنا مسٹ انگا میڈیکل کالج آتیٹ خواننگ ءُ او اسٹوڈنٹ آک نہ رجسٹرڈ کننگور نہ دا خوانندہ آک NLE تننگ کیرا۔ نن سرپد مرینہ کہ پی ایم سی نا پارہ غان اسہ وڑ ئنا متنازعہ نوٹیفکیشن شینک کننگ قابل مذمت ءِ و نن دا وڑ ئنا نوٹیفکشن ءِ منیپنہ۔
میڈیکل الائنس کمیٹی گورنمنٹ بلوچستان ءِ پاننگ خوائنا کہ 11 جون 2019 ٹی بلوچستان گورنمنٹ اسہ نوٹیفکیشن اس شینک کریسس و اوٹی بلوچستان نا پوسکنا مسٹ انگا میڈیکل کالج آتا اسٹوڈنٹس تا رجسٹریشن نا ذمہ واری ءِ الکوسس ولے واپس ہم پی ایم سی اسٹوڈنٹ آتے رجسٹرڈ کن تیار اف۔
میڈیکل الائنس کمیٹی تینا شینک کروکا بیان ٹی پارے کہ گورنمنٹ آف بلوچستان و محکمہ جانجوڑی ءِ پانہ کہ او پامداری نا درشانی کریسہ خوانندہ آتا زند ئتون گوازی کننگ ءِ بند کیر و دا وڑ ئنا غیر پامداری و غیر ذمہ وارانہ رویہ صوبائی حکومت و محکمہ جانجوڑی ءِ زیب تفک۔ نن گزارش کینا کہ زوت آن زوت دا مسٹ انگا میڈیکل کالج آتا اسٹوڈنٹ آتے رجسٹرڈ کیر اگہ نہ نن تینا آئندہ نا کاریم ٹہیفون اوکان گڈ انت ہم مس ذمہ وار صوبائی حکومت بلوچستان و محکمہ جانجوڑی آ مرو۔