بلوچستان نا ضلع کیچ ٹی اینو مروک آ کسر شکست ئٹ اِرا بندغ مرگ نا گواچی مسونو۔
شابیت حوال تا رد ئٹ اینو سہُب تون 5 بجہ کلگ نا ہند آ اسہ تیل دروکا اُلاخ تُرندی نا سوب ٹائر نا ترخنگ آن چپی مس ہرانا سوب آن اُلاخ خاخر ارفے۔
علاقائی ذرائع تا رد ئٹ خاخر پنچ بجہ آ لگا، میونسپل کارپوریشن تربت نا فائر بریگیڈ 6- 30 آ اوڑے رسینگا واہم پٹرول لوڈ مننگ نا سوب آن تیوہ اُلاخ ہُشنگاسس۔
تدینی نا سوب اُلاخ ٹی مروک اِرا بندغ ہُشنگیسہ مرگ نا گواچی مسونو، کہوک آتا چاہنداری پروم پنجگور مکد نا رہینگوک جاسم، عبدالحکیم نا مار و ثناء، دودا مار کانٹی کلگ پروم نا پِن آن مسونے۔