فرانسیسی بنجائی شار پیرس نا اسہ بنجائی علاقہ ٹی جمعہ آ سم کاری نا اسہ تدینی سیٹ چار بندغ مرگ ئنا گواچی و مُسٹ پینٹپی مسر۔ دا تدینی نا پک پیرس ئٹ استغاثہ نا دفتر کرینے۔
جمعہ 23 دسمبر آ پیرس نا اسہ بنجائی علاقہ ٹی سم کاری نا تدینی سیٹ چار بندغ مرگ ئنا گواچی مسر۔ پولیس نا رد ئٹ جلہو کار ءِزو دزگیر کننگانے۔
پیرس ئٹ استغاثہ نا دفتر جمعہ آ تدینی نا منہ ساعت آن گڈ اسہ بیان اسیٹ پارے کہ دا سم کاری آن گڈ دزگیر مروک بندغ اسہ ہندیشاری ئسے۔
فرانسیسی اخبار ‘لے پاریزیاں‘ نا رد ئٹ دا فرانسیسی شاری مالو ہم اسہ باہوٹی کیمپ ئسے آ جلہو کرینے۔ پن کروک باہوٹی کیمپ آ اوکرپان ئٹ جلہو کریسہ کہی بندغ آتے ٹپی کریسس۔ دا بندغ برجاء تُوہ یعنی دسمبر نا نیام ئٹی جیل آن پیشتماسس و عدالتی نظر ئٹئس۔
گمانی وڑ ئٹ جلہو کار پیرس شار نا دہمیکو ضلع ٹی اسہ مارکیٹ اسیٹ سم کاری کرے ہراڑان مُسہ بندغ مرگ ئنا گواچی و مُسٹ ٹپیمسر۔ ڈسٹرکٹ نا زالبول میئرآلیگزانڈرا کورڈیبا نا رد ئٹ دا جلہو کار اسہ کرد کمیونٹی سینٹر سے تون اوار اسہ ریسٹورانٹ و سڑک ناایپار ٹہیفوک اسہ ہیئر سیلون ئسے آ ہم سم کاری کرے۔ پراسیکیوٹر نا دفتر دا تدینی نا پٹ و پول ءِ بناء کرینے۔