اوغانستان ئٹ زالبول تا یونیورسٹی ٹی تعلیم آ رکھ خلنگ نا برخلاف کوئٹہ ٹی ہندی اوغان زالبول و نرینہ خوانندہ آک شمبے نا دے کوئٹہپریس کلب نا مونا برانز کریر۔ برانز کروکا دو ٹی پلے کارڈ ارفیسر ہرافتیا نعرہ نوشتہ ئس۔
برانز کروکاک کابل، قندھار و ایلو شار تیٹ زالبول تے تعلیم نا وارخواہی تننگ نا خواست کریر و اوفتا تعلیم آ رکھ خلنگ نا برخلاف نعرہخلکر۔
دا وخت آ سعدالدین، عبدالباقی، فوزیہ، محبوبہ، راکھی رسول، طاہر، محمد انور ہیت کریسہ پاریر کہ اوغانستان نا حکومت زالبول تےتعلیم ہلنگ نا وارخواہی ایتے، اسلام ئٹ علم دوئی کننگ نیاڑی و نرینہ تومکا تیکن المی ءِ ولے دا عمل آ افسوز ءِ کہ اوغانستان ئٹ زالبولتا تعلیم نا مونٹی ہڑاند ودی کننگ ئٹی ءُ۔
تران کروکا تا پاننگ ئس کہ برانز اڈ تننگ نا مسخت زالبول تتون مروکا امتیازی روشت نا برخلاف توار بڑز کننگ ءِ انتئے کہ زالبولکچاگڑد نا المی بشخ ئسے، تعلیم آن اوفتے پد بٹنگ علم دشمنی نا بریبر ءِ، دا ناروا عمل نا برخلاف چاگڑد نا ہر بندغ ءِ توار بڑز کروئی ءِ۔
برانز کروکا تینا خواست آتا حق ئٹی نعرہ خلیسہ ایمنی ئٹ دانگ اینگ مسر۔