بلوچستان نا ضلع خضدار آن پاکستانی فورسز اسہ بندغ ئسے دزگیر کریسہ بے گواہ کرے وختس کہ اسہ بے گواہ ءُ بندغ ئس یلہ مس۔
زوراکی ئٹ بے گواہ مروکا ورنا نا چاہنداری میران خان نا پن ئٹ مسنے، ہرادے درو جھالاوان کمپلیکس نا رہی آن پاکستانی فورسز دزگیر کریسہ بے ڈس ءُ ہند ئسے آ درے۔
ایلو پارہ غان ہژدہ اگست آ فورسز نا دو آن بے گواہ مروکا حفیظ ولد محمد امین سنگین نا ہندی یلہ مرسہ اُرا غا سرمس۔
یاتی مرے ہندا نن پاکستانی لشکر ایف سی و ڈھکوک ادارہ تا کارندہ غاک زہری ٹی شفیع کالونی ٹی چھاپہ خلسہ رزاق جتک ءِ اونا مار منان جتک تون اوار دزگیر کریسہ بے ڈس ءُ ہند ئسے آ درے ہندن ایلو دے اوفتے یلہ کنگا وختس کہ حفیظ درو یلہ مرسہ تینا اُرا غا سر مس۔