شاعری: مشعل قلاتی
دا راجی مچی شعور ئنا منزلاتا پندے
دا راجی مچی دا جہد ئنا حاصلاتا پندے
دا راجی مُچی ننا بروکا ہتم تا مہرے
دا راجی مچی مزاحمت نا ہنین آ شعرے
دا راجی مچی لکیر تینا بدر تا نیام ئٹ
دا راجی مچی ترندی ئس پد سلوکا گام ئٹ
دا راجی مچی نشہ نا جاتو ءِ مر مڑنگ کن
دا راجی مچی نہار ظالم تے دک بٹنگ کن
دا راجی مچی ہشینگوکا ہر گدان ئکن نا
دا راجی مچی تباہ مروکا جہان ئکن نا
دا راجی مچی اسٹی نا ڈس نشان تینا
دا راجی مچی گمان تینا نوان تینا
دا راجی مچی امید یقین آسرہ سہارا
دا راجی مچی محبت و مہر وطن تو تینا
دا راجی مچی ننا خڑینکاتا زندگی کن
دا راجی مچی ہتم تا خوش ئنگا دو لخی کن
دا راجی مچی بلا نا مون ئٹ سلنگ نا جوزہ
دا راجی مچی کہنگ ئٹی ام مخنگ نا جوزہ
دا راجی مچی شپاد لنگڑ اُلس کے تینا
دا راجی مچی ملم ننا است ئکن خلاس آ
دا راجی مچی ء بندی آ ہر اسٹ آ ساہ کن
دا راجی مچی ء بے وسا زند ئنا بقا کن
دا راجی مچی ءِمَشتا نا بیقرار آ روح کن
دا راجی مچی ءِ گواڑخو سیسو و مُرو کن
دا راجی مچی ءِ خرسی کن تلار و شم تا
دا راجی مچی ءِ خوشی کن زند کنوکا غم تا
دا راجی مچی ءِ ماندہ غاتیکے خاک ئنا دا
دا راجی مچی ءِ چیدہ غاتیکے ڈاک ئنا دا
دا راجی مچی ء رکھ ئکن نا وسائلاتا
دا راجی مچی ءِ بیریفنگ کن نا چلتناتا
دا راجی مچی ءِ رکھ ئکن سیندک آتا تینا
دا راجی مچی ءِ رکھ ئکن ڈیہہ ئنا چنا تا
دا راجی مچی کنا و نا یار جند ئنا رکھ
دا راجی مچی بروکا نسل آ تا زند ئنا رکھ
دا راجی مچی ثقافت و نا زبان ئنا رکھ
دا راجی مچی ڈغار و نا آسمان ئنا رکھ
دا راجی مچی تو گوادری آ تہو تا رکھ ءِ
دا راجی مچی مشعل کون آ وہو تا رکھ ءِ