سیخا
پابلو نرودا
براہوئی مٹ: زبیر بلوچ
ای،
ہراکہ ولدا بننگ کپروٹ
ہئو ہمو ہراکہ مالو ام ہچ بتئو
بھلو تباہی سے آن پد ہم
تینا سفر ءِ برجاء تخیوا
واہم کنا دتر، کنا رغ تیٹ
چرجوئی تون وہنگ ءِ
ولے ای تینا تہٹی
تینا ذات نا راستی اسکان
ہچبر سر مننگ کپرہ
ای پھل آتے خنیوا
ہراکہ زندہ و حقیقت ءُ،
ای درخت نا ٹول آتے یات کیوا،
غُٹ گڑاک کنے سلام پارہ
کنا کُچک نا لِٹّک کنے ہُرک
کنا اُرا نا جارات
کنا اُست ئنا درپہ تے آن آباتے
ای دا ہیت نا پام اَٹ اریٹ
کہ توفک یا خل سے نا چیہانٹ آن
دانا دیوال آک تمپس
ہراکہ کنا قدم آتے یات کیک
ای خل تے آن سواروکا محرابی آ کسرآ
بڑز لگسہ
تارمہ ئی ٹی انگور تہ لڑتے اُرنگ ئسوٹ
ولے جاگہ سے آن لغوشت ہلسہ تمسہ
اسُل نیام ئٹ سر مننگ تون
دنیا و دنیا داری نا گڑاتے آن کشکسہ
آخر ئٹ ای اسہ جاگہ سے آ سر مریوا
اسہ جاگہ ئس، تینا تہیٹی اسہ ہند ئسے آ
ای تینا سیخا ءِ تینا رَند ئٹ خنیوہ
یا تینٹ سیخا ٹی بدل مریوا
غیر حاضر اور ضدی