دا راجی آ مُچی
شاعری: ڈاکٹر صبیحہ بلوچ
ببو بے توار تا توار نن مرینک
ببو درد کنین درد وار نن مرینک
سلوکے ننا قوم ئنا کاٹم آ دے
ھشانے و آلم ارا بے رم آتے
پدین ئنگا جھمر نا سیخا مرینک
مرین یک توار نن و یک جا مرینک
ئسے وار ولدا مرین کاروان نن
شپاد بیوسا تا مرینک نوان نن
دا راجی آ مچی دا راجی آ مچی
ننا راج ئنا مچی راجی آ مچی
دا ورناتا گوہنگ نسل کشی دا
بے قیمت مسک ننا زندگی دا
بے ایلم جنوزان چوریک بچوک
بے پورو ننا ہر خاہوت ہشونگوک
دچائے زند ئنا جون ئٹی بس تخوکے
مخے باوہ نا کپ و لمہ کہوکے
اے قاتل ہرانا کہ ہچ پن بتو
اے قتلے کہ قصاس قصاص متو
اے لاشاک ہراتا حساب ہچ متو
اے لاش آتا دیرئس پا ڈسے اتو
اے درد آتا قصہک نوشتہ متورک
دتک اے ہرا ہچ حساب اٹ بتورک
ہمو کلے لاش آتا وارث مرینک
ہمو دڑد ئنا قصہ غاتے اتینک
دتر تا وہوکا حسابے الین نن
ببو یک توار و اسے جا مرین نن
دا راجی آ مچی دا راجی آ مچی
ننا راج ئنا مچی راجی آ مچی
اے لاشاک توتک آن دو بسرک
نئے چپ مسن نئے کہ چپ مسرُ
اے نشتر نا چھت آ کہ مسر او ہڈ سو
اے پنچ صد جون آک کہ بسر دو
اے پنجگور ئنا دشت ئٹی جوژ الکر
او ورنا سینا پھل آ ارمانک اسر
اے ہرا بے پنی دشت ئٹی ڈم الکر
او ویرانہ غا تیٹی شار ئس کہ مسر
او ام تو اسٹ نا ودار اسرہ ار
او ام تو کسے نا قرار اسرہ ار
اوتیکن تو ام زندگیس تخوک ئس
اوتیکن تو ام امیدآتا نوک ئس
ولے اچ سما تمیتو دیر اسر
امر بورہ بورہ امر ہِس او مسر
بس انداخہ چانہ دا مِش آن اسر
بس انداخہ چانہ بلوچ اسو کسکر
دا راجی آ مچی دا راجی آ مچی
ننا راج ئنا مچی راجی آ مچی
دا تو تینا دو آن مروکو گڑاسے
ہر قصہ ء پاریر کہ دا حادثہ سے
ملاس بینگن بے ساہ و بیوس کرے او
چنا بھلا نیاڑی نرینہ درے او
دتر زگر آ ہر کنڈ تالان مسک
بلوچ آتا لسفنگ ارزان مسک
ردی ئٹ خلوکا حیات جان اسک
یا لشکر آب نا حمید اللہ مسک
یا مند ئٹ خلوکا شعیب جان تینا
یا خار ئٹ خلوک ئنگا ئس احتشام دا
ہمو حادثہ تا لڑی تے نئ اوّا
ہمو محشری آ گھڑی تے نی اوا
ببو نہار نا زوال نن مرینک
دا ظالم نا مونان ڈھال مرینک
ہمو نسل کشی نا گواہ نن مرینک
مرین یک توار نن و یک جا مرینک
دا راجی آ مچی دا راجی آ مچی
ننا راج ئنا مچی راجی آ مچیے