بلوچستان نا ضلع مستونگ ئٹ نا درست آ سلہہ بند بندغ آتا سم کاری آن ڈپٹی کمنشر پنجگور ذاکر بلوچ مرگ ئنا گواچی مس وختس کہ ڈسٹرکٹ پنجگور نا چیئرمین ٹپی ءِ۔
سم کاری نا تدینی مستونگ نا علاقہ کھڈکھوچہ نا ہند آ مس ہراڑے نیشنل پارٹی نا سروک ایم پی اے رحمت صالح نا ایلم و ڈسٹرکٹ چیئرمین پنجگور عبدالمالک و ڈپٹی کمشنر پنجگور ذاکر بلوچ ٹپی مس۔
ٹپی مروکا بندغ آتے نواب غوث بخش ریسانی ہسپتال آ سر کریر واہم ڈپٹی کمشنر پنجگور ذاکر بلوچ ٹپ آتے سگتئو مرگ ئنا گواچی مس۔
ایلو پارہ غان حوال تا رد ئٹ مستونگ نا ہندا علاقہ کھڈکوچہ ٹی ٹک ئنا ہند آ کراچی کوئٹہ بنجائی کسر آ بھلو کچ اسیٹی سلہہ بند بندغ آک کسر ءِ تفیر ہندا وخت آ گاڑی تا چیکنک برجاء ئس کہ ڈی سی پنجگور و چیئرمین پنجگور نا قافلہ ٹی ساڑی لیویز و پولیس فورسز نا سلہہ بند بندغ آتا نیام ئٹ جھڑپ مس ہراڑے کہیی بندغ آک ٹپی مسنو۔
واہم جلہو نا ذمہ واری ءِ دائسکان کس ارفتنے۔