بلوچستان نا بنجاہی شار کوئٹہ آن اسہ ورنا اس زوراکی ئٹ بیگواہ اندن کیچ نا ہندی اسہ بندغ اس آجو مریسہ اُرا ءِ سر مس۔
شابیتی حوال تا ردئٹ کوئٹہ آن پاکستانی لشکر نومی پنی ءُ اسہ ورنا ٹک ٹاکر ئسے بیگواہ کرینے۔
پن کروک ورنا ٹک ٹاک آ ویڈیو جوڑ کیک ہرادے 23 اگست 2024 آ دئے بجہ نا وخت آ کوئٹہ آن بیگواہ کننگا۔
اندا وخت ئٹ کیچ پیدارک نا ہندی نعمت اللہ نا مار سمیر آجو مریسہ تینا اُرا ءِ سر مسنے۔
پن کروک ورنا ءِ خدو کراچی رئیس گوٹھ آن پاکستانی لشکر دزگیری آن پد بیگواہ کریسس۔ ورنا نا زوراکی ئٹ بیگواہی نا برخلاف خاہوت تربت ڈی سی آفس نا مونا تولوک برانز آتیٹ اوار مسوسس۔