بلوچستان نا ضلع قلات ئٹی نادرست آ بندغ آک اسہ گاڑی ئسے بمب جلہو ئٹ ٹک کرینو۔
ڈپٹی کمشنر قلات بلال شبیر آئی ای ڈی تراک ئٹ کارندہ غا تا ٹپی مننگ ءِ پک کرینے۔
او پارینے کہ نادرست آ بندغ آک تراکی ءُ ڈیوائس ئس کسر نا کرک آ تخاسر، سیکیورٹی کارندہ غا تا گدرینگ نا وختا تراک مس ہراڑان ہشت 8 فورسز کارندہ ٹپی مسر۔
تراک نا حوال رسینگ آن گڈ لیویز تون اوار ایلو سیکورٹی کارندہ غاک علاقہ ءِ گھیرہ کرسا پٹ و پول بناء کریر و ٹپی مروکا کورندہ غا تے جانجوڑی کمک کن اسپتال آ دننگانے۔