بندغی حق آتا تنظیم آک عبداللہ نا رکھوک یلہ مننگ کن تینا کڑد ءِ سر ایتر – خاہوت

گوادر فقیر کالونی آن پاکستانی لشکر نا دو تیان زوراکی ئٹ بیگواہ عبداللہ سمالانی نا خاہوت اسہ بیان ئس شینک کرسہ پارینے کہ چانڑدہ سالی آ عبداللہ سمالانی ءِ 13 جون 2024 نا ننکان دوانزدہ نیم نا وخت آ پاکستانی لشکر نا پارہ غان ننا اُرا، فقیر کالونی گوادر آن دزگیر کرے۔ ہموکان گڈ نن بے کچ فریشان ان، و دائسکان اونا ہچو احوال ئس رسینگتنے۔

او پارے کہ نن بندغی حق آتا تنظیم و ادارہ غاتیان خواست کینہ کہ اوفک ننا کمک ءِ کیر و عبداللہ نا رکھوک یلہ مننگ کن تینا کڑد ءِ سر ایتر۔

او پارے کہ دا تدینی ننا خاہوت کن بھلو تکلیف ئسے، و نن خوانہ کہ دا معاملہ ٹی زوت انصاف مرے و ننا چنا ءِ رکھوک یلہ کرفر۔