بلوچستان نا علاقہ بولان ئٹ اینو مسٹمیکو دے ہم پاکستان نا لشکر کشی برجاء ءِ۔ علاقہ ئٹ ہیلی کاپٹر آتا ہن و بر ہم خننگانے۔
علاقائی حوالکار تا ردئٹ بولان نا علاقہ بارڑی و ایب کیب ئٹ پاکستانی لشکر نا لشکر کشی مسٹمیکو دے ہم برجاء ءِ۔
لشکر کشی نا بنا اِرا دے مالو کننگا ہراڑے لشکر کشی ٹی اختہ پاکستانی لشکر ءِ جانی نسخان تیتون مون تروئی تما، جلہو تیٹ مُسہ کارندہ نا مرگ ئنا گواچی مننگ پک مسنے۔
لشکر کشی ٹی گن شپ ہیلی کاپٹر آتیتون اوار ڈرون طیارہ غاک ہم کاریم ئٹ ہتنگنگ ءُ۔