موٹر سائیکل آ سوار نادرست جلہو کروکاک سم کاری آن پد نرار۔
بلوچستان نا ضلع سبی ٹی تین تالاب پولیس چوکی غا درو شام نا درست آ سلاء بند بندغ آک سم کاری کریسہ جلہو کریر ہرا نا سوب آن اے ایس آئی احمد و سپاہی مینگل ٹپی مسر۔
موٹر سائیکل آ سوار جلہو کروکاک نرار اندن ٹپی تے ایدھی ایمبولینس ئٹ سول ہسپتال آ سر کننگا۔
واقعہ نا حوال رسینگ اسکان پولیس و ضلعی کوالخواک ہسپتال آ سر مسر۔ پولیس کوالخواک پارہ کہ جلہو کروکاک ارٹ ئسر۔
کوالخواک پارہ کہ اے ایس آئی احمد نا حالت نازرک ءِ۔