چے گویرا نا گُڈیکو چِھٹی
مٹ: سدرہ بلوچ
دا چے گویرا نا کُل آن چُنکا و گُڈیکو نوشت ئس۔ دا نوشت اٹی چے کہنگ آن منہ دے مُست بولیوا نا جنگل آتیان تیناچُنا و جغر نا ٹُکر تیکن بندغی مہر نا بابت کُلہو اس مون ایتک۔
خط:
اگہ اسہ دے اس نُم کنا دا نوشت ءِ خوانورے دا وخت ای نُم تون مفروٹ۔ نم کنے کم و وَد اُستان درورے و داسنا غُڈل آ چُناتے ہچ یات ہم مفروٹ۔
نُما باوہ اسہ اندنو دلیر اس مسونے ہراکہ امر سوچا، اونا زی آ عمل ہم کرے۔ باور کبو کہ او تینا نظریات آ تون پورہ وفادار مسونے۔
اسہ جوانو انقلابی اس مننگ کے ودشت ارفبو۔ ٹیکنالوجی نا زی آ عبور دوئی کننگ کن خواری کبو۔ دا وڑ نُم فطرت نا طاغت آتے توننگ کیرے۔ یات مرے اگہ اسے گڑا اس المی ءِ، او انقلاب ءِ، اونا مقابلہ ٹی ننا ذات ننا وجود نا ہچو اہمیت اس اف و جہان نا ہر کُنڈ آ ہر بندغ ئسے تون مروکا ناانصافی تے ہر وڑ ئٹ درک کبو اسہ انقلابی سے نا زیبا انگا صفت اندادے۔
رخصتی
کنا چُناک نُمے خننگ نا داسہ ہم امیت ارے
پُر مہر آتون
نُما باوہ
ارنسٹو گویرا لاسرنا (پورہ پِن)
بحوالہ کتاب: چی گویرا (زند و خیالا آک)
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک