بلوچستان نا علاقہ اورماڑہ ٹی روڈ ئنا ویل ئٹی ایف سی ساؤتھ کیچ نا لیفٹیننٹ کرنل مرگ ئنا گواچی مس۔
تربت آن کراچی آ ہنوکا گاڑی ءِ کوسٹل ہائی وے آ بسول نا ہند آ مروکا ویل ئنا سوب آن ایف سی ساوتھ کیچ نا لیفٹیننٹ کرنل اشتیاق احمد کسک اندن میجر شہباز و ڈرائیور نواز احمد ٹپی مسونو۔
لیویز کوالخواہ تا رد ئٹ فورسز ٹپی تے اورماڑہ ہسپتال سر کرینے ہراڑے اوفتے دوا درمان کننگانے۔
کوالخواہ نا پاننگ ءِ کہ ویل ٹائر ترخنگ نا سوب آن مسونے۔
اندن نوشکی ڈیڈار نا علاقہ ٹی آر سی ڈی روڈ آ فیلڈر گاڑی موٹر سائیکل تون ڈَک لگا ہراڑا موٹر سائیکل آ سوار ٹپی مس۔ موٹرسائیکل نا سواری محمد حنیف ہندی کلی ہارونی نا نت پِنانے۔
رسینگوک حوال تا رد ئٹ احمد وال نا لیویز ٹپی ءِ سول ہسپتال نوشکی سر کرینے، فیلڈر گاڑی احمدوال تھانہ ٹی بند کننگانے۔