امریکا ٹی بھازی ناجوڑی تا ادارہ نا راہشون ڈاکٹر انتھونی فاؤچی خیالدار کرینے کہ امریکی ریاست آک فلوریڈا، ایریزونا و ٹیکساس ٹی کورونا وائرس ترندی ٹی تالان مننگ ءِ۔
جہانی پڑ آ کورونا وائرس آن زیمی تا کچ 93 لکھ آن خڑک ءِ، کووڈ نوزدہ آن پک مروکا کہوکا تا کچ 477,000 آن زیات ءِ،
بھارت ٹی تدوکا 24 سائت نا نیام اٹی 16 ہزار پوسکنو کیس پاش مسونے۔ امریکا کووڈ انیس نا ٹیسٹنگ ئٹ کمبوتی اتپرو – ڈاکٹر انتھونی فاؤچی
بھارتی وزارت جانجوڑی نا رد ئٹ ملک ٹی تدوکا 24 سائت نا نیام اٹی 15,968 کورونا وائرس نا پوسکنو کیس پاش مسونو اندن اندا نیام اٹی 465 مرگ ہم مسونو۔ اندا وڑ بھارت ٹی داسا دا مہلک وائرس آن زیمی بندغ آتا تیوہ کچ 456,183 مسونے اندن کہوکا تا جمعی کچ 14,476 ءِ۔ بھارت کورونا آن تیوہ آتیان زیات زیمی مروکا چارمی ملک ءِ۔
بھارتی وزارت جانجوڑی نا کنڈان دا ہم پاننگانے کہ کووڈ نوزدہ آن جوڑ مروکا تا کچ جوان مریسہ داسا 56 فیصد آن زیات ءِ۔ بھارت ٹی دا وائرس آن تیوہ آتیان زیات زیمی مروکا ریاست آتیٹ مہاراشٹر، نئی دہلی و تامل ناڈو اوار ءِ ۔ کورونا آن زیمی 60 فیصد آن خڑک بندغ آتا تعلقداری اندا ریاست آتیان ءِ۔
اقوام متحدہ نا سیکرٹری جنرل انٹونیو گوٹیرس کورونا دین نا رد ئٹ ملک آتا نیام ئٹ حوال کاری نا کمبوتی آ نغدکاری کرے۔ گوٹیرس نا رد ئٹ اسٹ ئسے نا کوشست آن دا وائرس ءِ سرسوب کننگ مفک۔ اونا پاننگ ئس کہ جہان نا جتا ملک آتیٹ تینا یکہ کوشست آن ”اسہ اندن ءُ حالیت ئس ودی کننگ ءُ کہ ہرا دو آن پیشن مننگ ءِ۔
ونا پاننگ ئس کہ جتا انگا ملک آتے دا ناجوڑى تو مون تننگ کہ درمان، ٹیسٹنگ و ویکسین گڑا دوئی کننگ نا رد ئٹ اوار مریسہ کوشست کروئی ءِ۔ اقوام متحدہ نا سیکرٹری جنرل نا رد ئٹ دا وخت جہانی کمک مفرنگ آن کنے بھاز افسوس مس۔ ولے کنے امیت ءِ کہ مونی نسل آک بروکا وخت ئنا گڑاتے بدل کننگ نا لائج مننگ کرور۔‘‘
امریکا ٹی کورونا وائرس آن زیمی بندغ آتا جمعی کچ 2,347,022 اسکان سر مسونے اندن کہوکا تا کچ اسہ لکھ 21 ہزار آن زیات مسونے۔ امریکا دا وائرس آن جہان ٹی تیوہ آتیان زیات زیمی مروکا ملک ءِ۔
امریکا ٹی بھازی ناجوڑی تا ادارہ نا راہشون ڈاکٹر انتھونی فاؤچی پارینے کہ امریکی ریاست آتیٹ فلوریڈا، ایریزونا و ٹیکساس ٹی کورونا وائرس ترندی ٹی تالان مننگ ءِ۔