ڈی ایچ او قلات نا رویہ نا خلاف دوی آ پٹی و دوتے آ زمزیر تفے۔
انسانی حقوق کمیشن آف پاکستان قلات ڈویژن نا کماش و چاگردی راہشون خلیل شادیزئی ڈی ایچ او (ڈسٹرکٹ ہیلتھ آفیسر) قلات نا پارہ غان دوبہ خلنگ نا سوب آن شاہی بازار قلات ٹی کیمپ خلیسہ برانز آ توس ۔
دا برانز اسے جتاؤ دروشم اسیٹی اس انتیکہ دا ٹی دوی آ پٹی و دوتے آ زمزیر تفوک ئس۔
خلیل شادیزئی احوال کار آتون و کیمپ آ بروکا بندغ آتون ہیت گپ کریسہ پارے کہ ای اسے چاگردی باسک ئسے اُٹ، کئی سال آن بندغی نا خذمت کننگ اُٹ گدرینگوک آ دے نیشنل ہائی وے روڈ آ شکست اس مسوسس ہرانا ای بنگٹ ٹپی تا کمک کن ہسپتال آ تینے سر کریٹ ۔
ہسپتال ٹی اسے ایمبولینس اسیٹی ارا ٹپی ءُ بندغ کوئٹہ کن راہی کننگ اسر گڑا اندا وختا ای ڈاکٹر آتون اسٹریچر و ایلو آسراتی تا خواست کریٹ ولے ہموڑے ڈی ایچ او قلات ڈاکٹر نسیم لانگو کنے غا دوبہ خلیسہ کنے بلیک میلر پارے ہراڑان کنا عزت نفس غٹ بندغ آتا مون آ لتاڑانگا۔
او مونی پارے کہ ڈی ایچ او قلات کنے غا ارا دوبہ آتے خلکنے اوفتے پک کے اگہ کتو گڑا ای عدالت آ کاوہ تینا عزت نفس نا خاطر کن 2 کروڑ ڈنڈ خلیوہ۔ اگہ کنے انصاف رسینگتو گڑا ای تینے تینٹ ہشیوہ۔