بلوچستان نیشنل پارٹی نا سی سی باسک امبر زیری تینا مذمتی بیان ئٹ کوئٹہ ٹی بلوچ خوانندہ مار و مسڑ تا پُرامن برانز آ پولیس نا لٹ کُٹ، نیاڑی تا زوراکی دزگیر کننگ ءِ جام حکومت نا بے لائخی و بے سہبی پارینے۔
او پارینے کہ خوانندہ مار و مسڑ تیا پولیس نا غنڈہ غاتا وڑ ئٹ بے دادی کریسہ نیاڑی تا دزگیر کننگ آ صوبائی حکومت پک کرے کہ او خیال آتا درشانی نا آجوئی و پرامن برانز ءِ ہم سگینگ کپک۔ تینا بنماسی حق اکن پرامن برانز کروکا نیاڑی تا بے دادی و دزگیری نا مثیال آمر دور نا حکومت ئٹی رسینگپک ولے ساڑی حکومت تیوہ آ سیم آتیان دِرکسہ بلوچستان نا دود آتے لتاڑسہ ایشکامی تون برانز کروک آتیتون بیدادی کرے۔
بلوچستان نا لس مخلوق تینا بنماسی حق اکن ہر وڑ ئنا ندرئی آن پد توپرو تینے۔ لٹ کُٹ، بے دادی و دزگیری ہچ وڑ ئٹ بلوچستان نا لس مخلوق ءِ کاٹم شیف کرفنگ کپسہ، بائدے بے لائخ و بے سہب حکومت بشخنداری کریسہ استعفیٰ ایتے۔