کرونا وائرس نا سوب آن چار توہ آن ماٹو مروکا پولیو مہم دوشمبے آن ولدا بندات مریک۔ پولیو مہم نا اولیکو بشخ ٹی فیصل آباد، اٹک، جنوبی وزیرستان، کراچی و کوئٹہ نا گڑاس علاقہ غاتیٹی مریک۔ اندا وخت آ پنچ سال آن کم عمر نا 8 لکھ آن گیش چناتے پولیو نا پڑی تننگ مریک۔ سلوک آ یا پد تموک آ چناتیکن جتا مہم بندات کننگ مروئے۔
تیوی پاکستان ٹی دا سال پولیو نا آماچ مروکا چناک 60 آن زیات ءُ۔
بلوچستان ٹی گدرینگوک آ سال 16 پولیو نا کیس مونا بسونے۔ کرونا وائرس نا سوب آن پولیو مہم بھاز زیمی مسونے ہرانا سوب آن پولیو نا کیس آتیٹی گیشتری مسونے۔ ائندا سوب آن پاکستان حکومت فیصلہ کرینے کہ اسے وار ولدا تیوی پاکستان ٹی ایس او پیز نا ردٹ پولیو مہم بندات مریک.