بلوچستان حکومت زرگزرانی چاہندار ڈاکٹر قیصر بنگالی ءِ دہمیکو این ایف سی ایوارڈ کن غیر سرکاری باسک گچین کرے۔
دا ہیت نا درشانی بلوچستان نا زر وزیر ظہور بلیدی راجی حوالکاری نا پِڑ ٹوئٹر آن کریسہ پارے۔
او مونی پارے کہ دہمیکو این ایف سی ایوارڈ کن بلوچستان آن ڈاکٹر قئصر بنگالی ءِ غیر سرکاری باسک گچین کننگانے۔ ڈاکٹر قیصر بنگالی نا باسک گچین مننگ اسے جوانو ہیت ئسے۔ ہرا بروکا وخت آ این ایف سی ایوارڈ ٹی بلوچستان نا کیس ءِ مونی دیک۔
NFC award body reconstituted & @kaiserbengali a renowned economists has been nominated as a Non statutory Member to assisst Minister Finance in National Finance Commission. He is a good choice for Bln due to his credentials. We would plead bln case for the next Award InshAllah. pic.twitter.com/rUHqkwTgs6
— Zahoor Buledi (@ZahoorBuledi) July 22, 2020
یاتی مرے ڈاکٹر قیصر بنگالی پاکستان ٹی اسے گچین ءُ زرگزرانی چاہندار ئس چائنگ مریک۔ اندن دو ہزار سینزدہ ٹی ہرا وختا کہ ڈاکٹر مالک بلوچستان نا بھلا وزیر مس گڑا او ڈاکٹر قیصر بنگالی ءِ تینا معاشی مشیر ام تخا۔ ڈاکٹر قیصر بنگالی بلوچستان نا وسائل، اونا بشخ و بانٹ، بلوچستان ٹی مروکا ظلم و بیدادی، نا انصافی تا بارہ اٹ اسے کتاب ئس A cry for Justice نا پنٹ نوشتہ کرینے۔
این ایف سی ایوارڈ نا مسخت دادے کہ صوبہ و بنجاہی حکومت نا نیام ٹی مڈی تے بشخ و بانٹ کننگ مرے.
دا وختا این یف سی ایوارڈ نا ردئٹ مالی مڈی آن 42.5 فیصد بنجاہی حکومت و 57.5 فیصد صوبہ غاتے رسینگک۔
2010 آن مست این ایف سی ایوارڈ آبادی نا ردئٹ بشخ و بانٹ مسکہ ہراڑان غٹ آن زیات پنجاب ءِ فائدہ رسینگاکہ ولے 2010 ٹی پاکستان پیپلز پارٹی نا دور حکومت ٹی داٹی بدلی کننگا۔ داسہ 5 فیصد روینیو، 10.3 غریبی، 80 فیصد آبادی نا ردئٹ بشخ و بانٹ مریک۔
ولے داسہ پاکستان نا معیشت نا نزور مننگ آن، آئی ایم ایف نا سخت انگا شرط آتیٹی وام تننگ آن پد بنجاہی حکومت ٹی داخس طاغت اف کہ او صوبہ غاتے داخسہ زر تننگ کے اندا سوب آن داسہ اسے وار ولدا آٹھارویں ترمیم و این ایف سی ایوارڈ ٹی بدلی کننگ نا ہیت و گپ مننگے۔
دا این ایف سی ایوارڈ نا ہر پنچ سال آن پد باسک آک بدل مریرہ۔ باسک آتیٹی ہر صوبہ نا زر وزیر و اسے پین غیر سرکاری باسک ئس گچین کننگ مریک۔
اندن بلوچستان حکومت داڑان مست غیر سرکاری باسک کن پنی آ ادیب جاوید جبار ءِ گچین کرے۔ ولے بلوچستان نا اُلس و سیاسی پارٹی تا دا بابت ٹی سخت انگا موقف کہ اسٹ تو جاوید جبار معیشت نا پڑ نا بندغ ئس اف ایلو او بلوچستان آن پیشن تعلقداری تخک۔ اوکان گڈ جاوید جبار بیوس مریسہ استعفٰی تس۔