راجی کارگشاد نمرہ پرکانی پارینے کہ احساس راش پیکج غریب ملکی خلقت نا بنماسی حق ءِ۔
او پارے کہ دَین آن زیمی مخلوق و کہوک آتا خاہوت آتے اوفتا حق تننگہ، خلقت نا بنماسی حق خلقت آ خڑچ مرے۔ وزیر اعظم ریلیف فنڈز آن بلوچستان و گچین وڑئٹ کوئٹہ نا زیمی مخلوق ءِ وخت ئنا زی اوفتا حق تننگے کہ غریب و بے روزگار مخلوق نا کمک مننگ کے۔
راجی کارگشاد نمرہ پرکانی مُستی پارے کہ دا حالیت آتیٹی غریب، بے روزگار، چوری، و بے وس مخلوق نا ہر وڑئٹ مننگ کروک کمک کننگے کہ غریب آتا سختیک ایسر مننگ کیر۔ اسہ غریب ئسے نا کمک تیوی انسانیت نا کمک ءِ، ببو نن کل اسہ جاہ غریب آتا کمک اٹ تینا کڑد ءِ ایسری تین۔