نی دھرتی اس گدانی تا
نے تو رنگاکو شوانی تا
نا شاعر شہ مریداکو
نے تو مہراکو حانی تا
ننا بوندر بلوچستان
کمکس پڑس بجارے
وسیلہ منج گندارے
غلیمٹ ڈاڈری دوپور
ننا توشان ہوزارے
ارے پارت نشانی تا
ننا رسماکو تاریخی
وڑیرہ اوننے بیخی
تلارٹ تے خلوکے میخ
مشے دا پارہ کل میخی
گواہ سے دا کہانی تا
سمندر پٹ صحراکو
نازینت دیر دریا کو
کہ ننکہ موننگا ہیرا
نما موننگا کولاکو
پن اس نی مائیکانی تا
ارے وآنڈی مشٹ بزگل
شوان ء درست کیک ہرخل
فگارا محسن ء دم در
کنف ترخہ اودے مومل
خلوکے مہر جوانی تا
محسن فگار
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔