بلوچستان نا علاقہ پشین ئٹ نادرست سلاء بند بندغ آک پولیو کارندہ غا جلہو کریر۔
حوال آتا رد ئٹ پولیو ویکسینیٹر و پولیو یو سی انچارج شیخ عبداللہ غا نادرست سلاء بند بندغ آک ہموتم جلہو کریر ہراوخت او ڈپٹی ایسر کریسہ تینا اُراکن ہننگ ئس۔
ٹپی کارندہ ءِ پشین ہسپتال آن گڈ مُستی علاج کن کوئٹہ کن رادہ کننگا۔
دوبہ دار آک دزگیر مننگ کتوس۔ علاقہ نا بست و بندی کوالخواک دا بابت گام ارفنگو۔ یاتی مرے داکان مُست ہم بلوچستان نا جتا علاقہ تیٹ پولیو کارندہ غاتیا جلہو مریسہ کرینے ہرافیٹ بھاز آک مرک نا گواچی ہم مسونو۔
کوالخواک دا بابت دائسکان ہچ پاتنو کہ دا دہشت گردی نا تدینی ئسے یا پین سوب ئسے دانا پد ئٹ۔