ایران ئٹ کرونا وائرس نا کیس آتیٹ ودکی نا سوب ہفت دے اکن دارالحکومت تہران ئت لاک ڈاؤن کننگانے، خوانندہ جاک، مسیت، لس خلقت نا ہند آتے بند کننگانے، و اندن ہر ڈول نا چاگردی مجلس آتیا ہم پابندی خلنگانے۔
چاہندار آتا پارہ غان تہران ئٹ کورونا وائرس کیسز آتیٹ پنچ گنا و مرک آتیٹ مسہ فیصد ودکی نا خلیس نا درشانی کننگ آن گڈ لاک ڈاؤن نا فیصلہ کننگا ہرا 9 اکتوبر اسکان برجاء مرو۔
ایلو پارہ غان ایرانی صدر حسن روحانی کورونا وائرس پابندی تا برخلاف ہنوک آتیا ڈنڈ و تُرند سزا نا پڑو کرینے۔ پابندی تے لتاڑوک سرکاری نوکری کروک آتے اسہ سال ئسے اسکان کشنگ مریک۔