بلوچستان نا علاقہ پنجگور و بسیمہ ئٹ مروکا ویل آتیٹ چار بندغ مرگ نا گواچی و اسٹ ٹپی مسونے۔
کوئٹہ آن پنجگور آ ہنوکا گاڑی بسیمہ نا علاقہ لڈی چڑھائی نا ہند آ ویل ئنا گواچی مس۔
ویل ئٹی مُسہ بندغ بیران مسونو و اسٹ ٹپی مسونے، ٹپی آتون اوار جون ءِ خڑک ئنا اسپتال آ سرکننگ آن گُڈ جون خاہوت ءِ تننگانے۔
ویل ئنا گواچی مروکا گاڑی ٹی سوار ہنگاک پنجگور و تربت آن تعلقدار مُسہ بندغ ہم اوارءُ۔
پنجگور نا علاقہ غریب آباد نا محمد حنیف بھٹو شاپاتان پنجگور نا جاوید ہوشاپ کیچ نا بشام دا ویل ئٹی بیران مسونو اندن آبسر تربت آن تعلقدار جمال ہم ٹپی مسونے ۔
اندن پین حوال ئسے نا ردئٹ پنجگور آن اسہ جوان ئس خننگانے۔
علاقائی رسینگوک حوال تا رد ئٹ گوارگو گْونی آن تعلقدار عید محمد نا مار غلام جان ءِ چار دے مالو نادرست سلاء بند بندغ آک بیگواہ کریسر ہراڑان گُڈ جون گوارگو آن خننگانے۔
ضلعی کولخواہ تا پاننگ ءِ پن کروک بندغ نا کہنگ نا سوب آک داسکان سما تمتنو ۔