لیویز فورس نا کاروائی ئٹ درے ننکان احمد وال نا علاقہ ئٹ ٹرک آن دئے کلو افیون دوئی مس، دوبہ دار آک نرنگ آ سرسہب مسر۔ دا خیال آتا درشانی ءِ اسسٹنٹ کمشنر ثوبان سلیم دشتی، تحصیلدار نوشکی امتیاز بلوچ و ایلوفک پریس کانفرنس کریسہ کریر۔
اوفک دعویٰ کریر کہ اسمگلنگ نا توننگ کن ہر وخت لیویز بیدار ءِ۔ استو ڈھکوک حوال تا ردئٹ لیویز فورس احمد وال ئٹ شکبر ٹرک ئسے توننگ نا کوشست آ سلپرنگ آ اونا رند ءِ ہلک ہراڑا ڈرائیور ٹرک ءِ یلہ کریسہ پند اٹ نرا، پٹنگ آ ٹرک نا ڈھکوک ہند آتیان دئے کلو افیون دوئی مس۔
اوفک پاریر کہ ٹرک ءِ لیویز تھانہ غا دننگانے۔
اوفک دعویٰ کریر کہ لیویز تدوکا اسہ توہ ئٹ جتا علاقہ تیٹ کاروائی کریسہ اسہ ہزار گونی آن زیات چھالی کوزہ ٹی ہلیسہ اوفتے کسٹم کوالخوا تا دوٹی تسونے۔