قطعہ غزل
“دسمبر”
صوب یخّا دیگری تا اے تہو
زور شوری تا دسُمبر بسونے
اسلمی جئوزہ ہتہ بو نُم ببو
سختی سوری تا دسُمبر بسونے
کر وَدی ریحان مڑدو یاسمین
لُمَّہ لوری تا دسُمبر بسونے
نیکہ سُم جھلّوکـا نا دلجان ئتو
چہرہ بُوری تا دسُمبر بسونے
ای مریو قربان وطن نا ماتیکن
نا کے چُوری تا دسُمبر بسونے
مِش تے دھرتی نا ہتہ کیو سُرمہ ای
دیدہ زوری تا دسُمبر بسونے
اُست تابِش لڑزہ ٹی اے اینو باز
سدخہ گوری تا دسُمبر بسونے
تابِش بلوچ
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔