بلوچستان نا دارالحکومت کوئٹہ تو اوار پشین، چمن و خضدار ئٹی مروک ویل و تدینی تیٹی شش بندغ بیران و ارٹ ٹپی مسونو۔
رسینگوک حوال تا رد ئٹ دارالحکومت کوئٹہ نا علاقہ کلی عباس درانی اسکیم نا خڑکا سلاء بند بندغ آتا سم کاری آن علی محمد مار امیر حمزہ نا بیران مس۔ کوئٹہ نا علاقہ مغربی بائی پاس آ ٹریفک نا ویل ئٹی اختر محمد نا مار ولی خان بیران مس۔
ضلع پشین نا علاقہ خانوزئی آن اسے بندغ ئسے نا جون خننگا ہرادے سم کاری کریسا کسفنگانے۔ رسینگوک جون نا چاہنداری نور محمد مار عمر نا، پن ئٹ مس۔ جون المی آ کاروائی آن گڈ خاہوت ءِ تننگا۔
ضلع خضدار نا علاقہ نال، ہبلو ئٹی بجلی نا کرنٹ لگن آن اسے بندغ اس بیران مس ہرانا جون المی آ کاروائی آن گڈ خوہت ءِ تننگا۔
اندن ضلع خضدار نا علاقہ زیدی نا ہند آ مزدا ٹرک نا ڈک لگن آن موٹر سائیکل آ سوار بندغ اس بیران و ارٹ ٹپی مسر۔
اسے پین ویل اسیٹی سیم ئنا شار چمن ٹی کلی امیر خان ئٹ اسے بندغ ئس کھسک۔