بلوچستان نا ضلع نوشکی نا شار ئٹی ہوٹل ئسے آن اسہ بندغ ئسے نا جوْن خننگانے ہرانا چاہنداری چاغی آن تعلقدار گل بدین نا پن ئٹ مسونے۔
پولیس نا رد ئٹ جوْن ئنا خڑک آن اسہ پسٹل اس ہم خننگانے، پین کاروائی پولیس کننگ ءِ۔
یاتی مرے اِرا دے مالو نوشکی نا علاقہ احمد وال ٹی پانزدہ دے مُتکن ءُ جوْن اس خننگاسس۔
بلوچستان نا ضلع نوشکی نا علاقہ احمد وال ٹی اُرا ئسے آن اسہ بندغ ئسے نا جوْن خننگاسس ہرانا چاہنداری امان اللہ محمد حسنی نا پن ئٹ مس۔
لیویز کوالخواہ تا پاننگ ءِ اسہ کسری ہنوک بندغ اس ءِ امو جاگہ نا خڑک گند لگاسس پدا لیویز ءِ احوال تسوسس، لیویز انچارج احمدوال محمد خان مینگل نا راہشونی ٹی کارندہ آک کاروائی کریسہ جاگہ آن جوّن ءِ کشار۔
کوالخواہ تا رد ئٹ جون پانزدہ دے مالو نا ئسے ہرا نا سوب آن اونا حالیت خراب مسوسس، ویل ئنا رد ئٹ پین کاروائی برجاء ءِاندن جوْن خاہوت نا دوٹی تننگانے۔