شیوان ادبی کاروان بلوچستان نا پارہ غان اسے مجلس اس اڈ تننگا۔ مجلس اِرا بشخ اٹی ئس ہرانا اولیکو بشخ محفل مشاعرہ و ارٹمیکو بشخ گچین کاریک ئسر۔
محفل مشاعرہ نا کماشی ءِ پوسکنا گچین مروکا آرگنائزر عمران فریق کرے۔ گچین کاری مجلس نا کماشی ءِ دانش مینگل کرے ۔
دا مجلس ٹی مست ئنا ذمہ وار آتا ذمہ واری تے ایسر کریسہ پوسکنو آرگنائزنگ باڈی اس ٹہیفنگا۔ پوسکنا آرگنائزنگ باڈی ٹی عمران فریق آرگنائزر، حمید فراز، حمدان عدیم، گلزرین ساگر و عمران فرہاد آرگنائزنگ کمیٹی نا باسک گچین کننگار۔
اندن مشاعرہ ٹی عمران فریق، دانش مینگل، شیخ عتیق حسرت، عرض جان ظہور، ڈاکٹر حفیظ شہزاد، صلاح الدین آزاد، داؤد خان، عبدالباسط شمیم، نوید عمر، ساول خان، عامر مینگل و عطاء اللہ بشخ ہلکر ۔