بلوچستان نا علاقہ لسبیلہ نا تحصیل بیلہ ئٹ مسافر بس تدینی نا آماچ مس، تدینی ٹی اِرا لیویز نا کارندہ تون اوار 8 بندغ بیران مسر، و 22 بندغ ٹپی ءُ۔
مونی احوال آتا ردئٹ مسافر کوچ پنجگور آن کراچی کن ہننگ اس کہ اوتھل بیلہ نا خڑک نمی چیک پوسٹ آ لیویز کارندہ غاتا چیکنگ کن توننگ نا کوشست آ گاڑی بریک خلننگ تون اوار تدینی نا آماچ مس ہراڑان اِرا لیویز نا کارندہ تون اوار ہشت بندغ بیران و بیست و دُو بندغ ٹپی مسر۔
بیران و ٹپی مروکاتے ایدھی ایمبولینس آک جام غلام قادر ہسپتال آ دریر۔
یاتی مرے بلوچستان ٹی منہ وختان روڈ آتا زیہا تدینی تیٹی گیشتری مننگے۔ اسے نیمہ غان دا تدینی تے گاڑی ڈرائیور آتا بے سدی سرپد مننگک ایلو پارہ غان دا تدینی تا ذمہ وار حکومت ءِ پاننگک کہ روڈ آتا شابیتی کننگ اٹ بے سہب ءِ۔
یاتی مرے بلوچستان ٹی روڈ اتا زیہا تدینی تا سوب آن بلوچستان یوتھ اینڈ سول سوسائٹی نا پارہ غان ہر وخت بارانزی مچی کننگ مریک و دا تدینی تا سوب روڈ آتا بُھس مننگ، روڈ آتا شابیت کننگ کن توار ام توار ارفنگسہ ءِ۔