مرین شور ئٹی نن مرے دیگری
کہ سیاچاہ مریک مرے جمری
مریک سگار دو ئٹی یار نا
مرے ساتوی بس مرے پر پڑی
مرین کاشم آ تون کمبی آ نا
کنین چشمہ ءِ نا کے ہلی گری
مرے پند کہ لجے نا لوپ آتیٹی
مرے خید نتیا مرے لنگڑی
مش تیان جپیسا کان بولان اکے
پدینو تہو اس برے چلتنی
مرے مسک نا گند بارود ئٹی
مرے سم تا شنزہ مرے سنگری
مرے کپو پاچہ شتارکی مرے
مرے پچ پوسکن مرے آگڑی
بٹے برف گوڈ ئس پدا مش تے آ
مرے سیڷ نا نن مرے خاخری
مرے خیال پختہ نادے ٹک تون
کہ چکاتا دیدگ مریک چڑی
دیدگ بلوچ
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔