سندھ ئٹی بیگوا بندغ آتا یلہ کننگ کن کاریم کروک آ تنظیم وائس فار سندھی مسنگ پرسنز پارینے کہ عرفان جتوئی 10 فروری 2021 آ پاکستانی ایجنسیک، رینجرز و پولیس نا دو آن سندھ یونیورسٹی آن دزگیری مننگ آن گڈ زورٹ بیگوا کننگاسس۔
او پارے کہ ورنا سندھی شاگرد راہشون عرفان جتوئی ءِ اینو سکھر پولیس و پاکستانی ایجنسیک دروغ نا پولیس مقابلہ ٹی خلکر۔
بیان ٹی پاننگا کہ عرفان جتوئی بیگوا کروک ئس، سندھی مسنگ پرسنز تا بے دادی کروک آ جوْن رسینگنگ آ تیوہ آ سندھ ئٹی سخت ردعمل کننگو۔
وائس فار مسنگ پرسنز آف سندھ “شہید عرفان جتوئی” نا زورٹ بیگوا کننگ و اوڑان گڈ ریاستی خون آ پگہ آن مچ تعلیمی ادارہ آتون اوار تیوہ آ سندھ ئٹ سخت برانز نا پڑو کینا۔