بلوچستان نا ضلع خاران ٹی سلاہ بند بندغ آتا سم کاری آن اسے بندغ اس مرگ نا گواچی مس۔
دا سم کاری نا تدینی لیویز تھانہ خاران نا خڑک آ مس ہراڑے موٹر سائیکل سوار آ بندغ آک سم کاری کریسہ اسے بندغ اس کسفیر۔
مونی حوال نا ردئٹ مرگ نا گواچی مروک بندغ نا چاہنداری علی حیدر سیاہ پاد نا پن ئٹ مسونے، ہرا حکومتی ڈیتھ اسکواڈ نا کارندہ اس پاننگک۔
دا تدینی آن پد ایف سی و پولیس خاران شار تون اوار تیوی علاقہ ءِ واڑ کریسہ گشت کننگ ءُ ولے دائسکان ہچو درزگیری اس مننگ کتنے۔
یاتی مرے داکان مالو مدامی حکومتی حمایت یافتہ ڈیتھ اسکواڈ نا کارندہ تا کسفننگ نا ذمہ واری تے بلوچ آجوئی خواہوک سلاہ بند تنظیم آک ارفینو ولے اینو مروکا تدینی نا ذمہ واری ءِ دائسکان ہچو تنظیم اس ارفتنے۔