بلوچ کونسل لاہور نا پارہ غان اسے بیان اس شینک کریسہ پاننگانے کہ یونیورسٹی آف انجینئرنگ اینڈ ٹیکنالوجی لاہور آن مائننگ ڈیپارٹمنٹ نا خوانندہ نوید بلوچ نا بیگواہی فریشانی نا ہیت ئسے۔
او تینا بیان ٹی مونی پارینے کہ نوید بلوچ اسے خواری کش و مخلص ءُ اسے نودربر ئسے، اونا بیگواہی بلوچ خوانندہ غاتیکن است ہسونی ئسے و اوفتا زند اکن فریشانی نا ہیت ئسے۔
بلوچ کونسل لاہور نا پارہ غان بیان ٹی پاننگانے کہ نن نوید بلوچ نا بازیابی کن ہر وڑنا جہد کن و توار ارفنگ کن تیار اُن۔ اندن ایلو مخلوق، خوانندہ، و تنظیم آتیان خواست کینہ کہ او نوید بلوچ نا بیگوائی نا برخلاف اونا بازیابی کن ہر وڑ ئنا توار ارفر۔
یاتی مرے نوید بلوچ یونیورسٹی آف انجینئرنگ اینڈ ٹیکنالوجی لاہور ٹی مائننگ ڈیپارٹمنٹ نا اسے نودربر ئسے ہرادے 9 جنوری 2021 آ کوئٹہ غان بیگواہ کننگانے۔ اندن گدرینگوک آ دے نوشکے آن ام مسہ ورنا بیگواہ کننگانو۔